Аламүдүндө денесине оор залал келтирүүгө шектелип 25 жаштагы жаран кармалды. Бул тууралуу Чүй облустук ИИББнын басма сөз кызматы кабарлады.
Маалыматка ылайык, 25-декабрда Аламүдүн райондук милициясына ооруканалардын биринен телефон чалуу болуп, Кырман айылынын 24 жаштагы жашоочусу У.К. бычактан алган жаракатынан улам жаткырылгандыгы тууралуу маалымат түшкөн.
Бул факты Кылмыштардын бирдиктүү реестрине Кылмыш-жаза кодексинин 130-беренеси («Ден соолукка оор залал келтирүү») боюнча катталып, тиешелүү экспертизалар дайындалган.
Жүргүзүлгөн ыкчам издөө иш-чараларынын натыйжасында жогорудагы кылмышка шектелип 25 жаштагы Ж.Т. аттуу жаран кармалып, убактылуу кармоочу жайга камакка алынган.
Учурда окуянын келип чыгуу себептери териштирилип, сотко чейинки өндүрүш иштери улантылууда.
