Модель жана блогер Аскат Осмонов “Азия жүзү” эл аралык сулуулук сынагына катышып жатат.
Белгилей кетсек, моделдин өзүн-өзү тааныштыруу иретинде даярдаган проморолиги конкурстун YouTube-каналына жарыяланды. Ал эми сынак быйыл эпидемиологиялык чектөөлөргө байланыштуу онлайн өтөрү жазылат сынактын расмий сайтында. Аталган сынакка 27 өлкөдөн 80дей жигит жана бийкеч катышууда.
Ар бир категориядагы атаандаштар актёрлук чеберчилигин көрсөтүп, улуттук маданиятын даңазалаган креативдүү кийимдерди кийип чыгышты.
Айта кетсек, модель Аскат Осмонов сынакка экинчи ирет катышып жатат. Ал 2018-жылы февраль айында “Mister Universal Ambassador Kyrgyzstan” улуттук сынагын жеңип, эл аралык деңгээлдеги сынактарга жолдомо алган. Жыйынтыгында ал алдыңкы ондукка кирген.
“Азия жүзү” (“Face of Asia”) конкурсу 10 жылдан ашык убакыттан бери Түштүк Кореяда өткөрүлүп келген Asia Model Festival эл аралык конкурсунун алдындагы сынак.