Ички иштер министрлигинин тергөө башкармалыгынын жооптуу кызматкери Азамат Дүйшөналиев Бишкекте өткөн маалымат жыйынында 527 факты иликтенип, 330 соттук экспертиза өткөрүлгөнүн билдирди.
Ал иштин жакшырышы менен конфликттин себебине укуктук баа берүү жана күнөөлүүлөрдү аныктоо жарыяланарын баса белгиледи.
Ошол эле учурда тажик тарап иштин ачылышы жана анын абалы тууралуу эч кандай маалымат бере элек.
Үстүбүздөгү жылдын 28 жана 29-апрелинде тажик жана кыргыз чек арачыларынын ортосунда алты сааттык атышуунун натыйжасында Исфара жана Баткен райондорунда кыргыз тараптан кагылышууда 36 адам каза болуп, 220дан кем эмес киши жарадар болгону айтылган. Ал эми тажик тараптан 19 каза болуп, 87си жаракат алган.
Кыргыз-тажик чек ара талашын жөнгө салуу боюнча эки өлкөнүн бийлигинин жыйырма жыл бою жүргүзгөн сүйлөшүүлөрүнүн жыйынтыгында, эки өлкөнүн ортосундагы 970 чакырым чек аранын 520 чакырымы гана белгиленген.