Кыргызстанда миграциялык мыйзамдардын бузулушун аныктоо жана чет өлкөлүк жарандардын мыйзамсыз эмгек ишмердүүлүгүнө бөгөт коюу максатында рейддик иш-чаралар өткөрүлдү. Бул тууралуу УКМКнын маалымат кызматы билдирди.
Ага ылайык, атайын кызмат ИИМ менен 1-10-октябрь күндөрү “Нелегал” деп аталган рейд өткөрүп, чет өлкөлүк жумушчуларды ишке тартуу эрежелерин бузган тараптарга 75 протокол түзүлүп, 3 миллион сомдой айып салынган.
Мындан тышкары, миграциялык мыйзамдарды бузган 1,5 миңдей чет өлкөлүккө 10 миллион 480 миң сом айып жазылганы айтылды.
