Түркмөнстандын президенти Сердар Бердымухамедов Ысык-Көл облусунун Чолпон-Ата шаарында өтө турган Борбордук Азия мамлекет башчыларынын жана Азербайжан президентинин бейформал консультативдик жолугушуусуна катышуу үчүн Кыргызстанга келди.
«Ысык-Көл» эл аралык аэропортунда жогорку даражалуу конокту министрлер кабинетинин төрагасы Адылбек Касымалиев тосуп алды.
Жолугушуунун алкагында Борбордук Азия өлкөлөрүнүн жана Азербайжандын лидерлери аймактык кызматташтык, өнөктөштүктү чыңдоо маселелерин, ошондой эле эл аралык жана аймактык күн тартибиндеги актуалдуу темаларды талкуулашы күтүлүүдө.
