УКМК Нарын облусунун Жумгал районунун мурдагы колхоздор аралык курулуш бирикмесине, азыркы «Көкө-Мерен» ААКсына таандык жалпы аянты 1,79 гектар жер тилкесин кайтарып берди.
Маалыматка ылайык,СССР учурунда Колхоздор аралык курулуш бирикмеси колхоздордогу өндүрүштүк жана маданий-тиричилик объектилерин курууну ишке ашырган.
2003-жылы банкроттук шылтоосу менен Колхоздор аралык курулуш бирикмеси «Көкө-Мерен» акционердик коому болуп кайра түзүлгөнү аныкталган. Анда төрага болуп, Жумгал районунун Чаек айылынын тургуну Ч.Б. шайланган.
Финансылык кыйынчылыктардан улам АКтын иши көп жылдар бою толук аткарылбай, андан ары токтоп калууга алып келген. Натыйжада аталган уюмдун кароосуз калган имараттары жана курулмалары жергиликтүү тургундар тарабынан бузулуп, АКтын аймагынын бир бөлүгү көмүр сактоочу жайга айландырылып, экинчи бөлүгү таштандыга толуп калган.
«Көкө-Мерен» АКнын жер тилкеси тиешелүү кабыл алуу-өткөрүп берүү Актысына ылайык, Жумгал районунун Чаек айыл өкмөтүнүн балансына өткөрүлдү.
