Мухтарбек Баймурзаев билим берүү жана илим министринин биринчи орун басары болуп дайындалды.
Ведомстводон билдиришкендей, билим берүү жана илим министринин биринчи орун басары Супаналиев Бекжан Төрөбаевич башка ишке өткөндүгүнө байланыштуу ээлеген кызмат ордунан бошотулду.
Ошондой эле, министрлер кабинетинин тиешелүү тескемеси менен Баймурзаев Мухтарбек Арапбаевич Кыргыз Республикасынын билим берүү жана илим министринин биринчи орун басары болуп дайындалды.
Бул кызматка дайындалганга чейин ал Кыргыз Республикасынын эмгек, социалдык камсыздоо жана миграция министринин биринчи орун басары болуп иштеп келген.
