Оңдоо программасына ылайык, мамлекет эски үйлөрдү бузууга мажбурлабайт. Бул тууралуу Мамлекеттик курулуш комитетинин башчысы Нурдан Орунтаев маалымат жыйынында билдирди.
Ал белгилегендей, жарандардын кызыкчылыгын эске алган мыйзам кабыл алынат.
Жеке менчикке эч ким кол салбайт. Биз бардыгы өз ара жана эки тарап үчүн пайдалуу болушуна ынанууга ниеттенебиз.
Нурдан Орунтаев
Нурдан Орунтаев тарыхый объектилерди бузуу боюнча пикирин билдирди.
«Айрым имараттарды бузуу үчүн курулушчулар мамлекеттик органдар аркылуу уруксат алышы керек. Мунун баары үйгө кандай кам көрүүдөн көз каранды. Маселен, Маданият министрлигинин каралып жаткан имараты. Ал 1930-жылдары курулган», — деп кошумчалады аткаминер.
Мамкурулуштун башчысы көптөгөн жарандар шаар бийлигинин үйлөрүн кароосуна каршы болуп жатканын билдирди.
«Үйлөрдүн фасадын сырдайлы десек, эл каршы болушкан. Мисалы, борбор калаанын так ортосунда балкондорду бекер жылуулап, батирлеринин баасын көтөрдүк. Масалиев проспектисинде 9 кабаттуу үч имарат бар, аларды оңдоп-түзөп, дубалга боёк берели дегенбиз, эл чыгып, каршы чыгып жатты. Алар жеке менчик экенин айтышты. Көрсө, алар жарнама үчүн бул жайларды ижарага беришет. Көпчүлүк батирлер сапаттуу ремонттон өткөнүнө ишенем. Башка өлкөлөрдө, мисалы, Ташкентте үйлөрдүн фасаддары мамлекеттик деңгээлде оңдолот», — деп түшүндүрдү ал.