Аскар Акаев экс-президент статусун калыбына келтирүү боюнча өтүнүч жасады. Бул тууралуу Жогорку Кеңештин Конституциялык мыйзамдар, мамлекеттик түзүлүш, сот-укуктук маселелер жана регламент боюнча комитетинин төрайымы Чолпон Султанбекова ырастады.
Айтымында, Акаевдин өтүнүч каты Жогорку Кеңешке бүгүн, 5-сентябрда эртең менен келген.
“Маселе дароо күн тартибине коюлбайт. Биринчиден, фракциялар, депутаттар карайт. Адан кийин гана күн тартибине киргизилет”, – деди Султанбекова.