2023-жылдын 4-августунда 10126 аскер бөлүгүнүн медициналык пунктунда Кыргыз Республикасынын “Донордук кан жана анын компоненттери жөнүндө” мыйзамынын талаптарына ылайык, Кыргыз Республикасынын Куралдуу Күчтөрүнүн Улуттук гвардиясынын өздүк курамы ырайымдуулук жана муктаж болгондордун өмүрүн сактоого умтулуусу акты катары кан тапшырышты.
Бул тууралуу КР КМ маалыматтык камсыздоо башкармалыгы билдирди.
“Иш-чарага 70 ашуун аскер кызматчылары – офицерлер, прапорщиктер, сержанттар жана жоокерлер катышты. Иш-чаранын соңунда Улуттук гвардиянын жана Республикалык кан борборунун дарыгерлери аскер кызматчыларга адам өмүрүн сактап калуудагы ак ниеттүүлүк, камкордук жана колдоо көрсөткөндүгү үчүн ыраазычылыктарын билдиришти”, – деп айтылат маалыматта.
