Баңгизаттарды кыянаттык менен пайдаланууга жана аларды мыйзамсыз жүгүртүүгө каршы күрөшүүнүн эл аралык күнүнүн алкагында КР ИИМдин БМЖККК Кыргызстандын Тышкы иштер министрлиги менен биргеликте баңгилик маселесине коомчулуктун көңүлүн буруу максатында акция уюштурулду, – деп билдиришти ИИМдин басма сөз кызматынан.
Маалыматка караганда, акция баңгиликке каршы күрөшүү жана коомдук саламаттыкты сактоо тармагында иштеген мамлекеттик, эл аралык жана өкмөттүк эмес уюмдар тарабынан уюштурулду.
“Иш-чарага ар кандай социалдык топтордун, анын ичинде жаштардын, студенттердин, активисттердин жана ыктыярчылардын катышуучулары тартылды.
Акциянын максаты коомдук аң-сезимди жандандыруу жана баңгилик көйгөйүнө, анын коомго, адамдардын ден соолугуна жана бейпил жашоосуна тийгизген терс таасирине көңүл буруу.
Баңги жарнамасынын үстүнөн сүрөт тартуу баңги пропагандасын коомдук мейкиндиктен алып салуу жана баңгизаттарынын зыяндуулугу жөнүндө маалымдуулукту түзүү үчүн символикалык иш-аракеттер жасалды.
Иш-чаранын алкагында атайын топтор уюштурулуп, шаарлардын жана калктуу пункттардын ар кайсы жерлеринде баңги жарнамаларын сырдашты. Акциянын катышуучулары баңги жарнамасын көлөмүнө жана жайгашкан жерине жараша толук же жарым-жартылай боёо үчүн атайын боекторду жана материалдарды колдонушкан”, – деп айтылат ИИМдин маалыматында.
Акциянын уюштуруучулары ийгиликтүү ишке салым кошкон бардык катышуучуларга жана ыктыярчыларга ыраазычылыктарын билдиришти.
