Бишкекте Улуу Ата Мекендик согуштагы Жеңиш күнүнө арналган «Өлбөс полк» жүрүшү өтүүдө.
Жүрүш Масалиев жана Абдрахманов көчөлөрүнүн кесилишинен — Түштүк дарбазадан башталып, Байтик баатыр, Абдрахманов көчөлөрү менен Фрунзе көчөсүнө — Жеңиш аянтына чейин уланат.
Жүрүшкө болжол менен 5 миңге жакын адам катышууда.
Белгилей кетсек, иш-чара жыл сайын Улуу Ата Мекендик согушта Мекен үчүн күрөшкөн жоокерлердин жаркын элесине таазим кылуу максатында өткөрүлүп келет. Акцияга фронттук жоокерлердин балдары жана неберелери, ошондой эле туугандары, жакындары катышууда.
![cead1d11 4e13 42e0 a08c 5904b5fa6681 1024x604 1 Борбордо “Өлбөс полк” жүрүшү өтүүдө](https://bulak.kg/wp-content/uploads/2023/05/cead1d11-4e13-42e0-a08c-5904b5fa6681-1024x604-1.jpeg)