Ала-Арча улуттук паркынын ичинде туристтик борборун куруу талкууланды. Бул тууралуу Туризм департаментинен билдиришти.
Маалыматка караганда, бүгүн, 13-апрель күнү Туризм департаментинин жана Ала-Арча мамлекеттик паркынын жетекчилиги кызматкерлери менен бирге туристтик тейлөө борборун салуу максатында тийиштүү инвесторго жер аянтчаларын көрсөтүштү.
Мерчемделген туристтик тейлөө борбору кафетерий, намазкана, заманбап даараткана, туристтер үчүн маалыматтык борбор жана сувенирлерди туристтерге сунуштоо жайы сыяктуу компоненттерди камтыйт.