Бүгүн, 30-марттта саат 08:00дөн 12:00гө чейин «Акжол» чек ара бекети аркылуу адамдардын, транспорт каражаттарынын жана жүк ташуучу унаалардын өтүүсүнө чектөө киргизилет. Бул тууралуу УКМКнын Чек ара кызматы билдирди.
Маалыматка караганда, чектөө киргизүүнүн себеби, өткөрүү пунктунда оңдоо иштери жүргүзүлөт.
“Жарандарды жана айдоочуларды каттамдарын алдын ала пландаштырууга чакырабыз”, — деп айтылат маалыматта.
Чек ара кызматы зарыл болгон учурда жарандар жана айдоочулар Чүй облусунун аймагындагы кыргыз-казак мамлекеттик чек арасы аркылуу, «Чалдыбар-автодорожный», «Ак-Тилек», «Токмок-автодорожный», «Кең-Булуң-автодорожный» пунктары аркылуу өтүүнү сунуштайт.
