Казакстандын премьер-министр Алихан Смаилов казак өкмөтү отставкага кетээрин жарыялаганын КазТаг жазып чыкты.
«Жаңы шайланган Жогорку Кеңештин Мажилисинин алдында өкмөт ыйгарым укуктарын отставкага кетирет. Биз отставкага кетип жатабыз», — деди Смаилов жекшемби күнү шайлоо тилкесинде.
Анын айтымында, өкмөттүн жаңы курамы түзүлгөнгө чейин министрлер кабинетинин буга чейин иштеп келген мүчөлөрү өз милдеттерин аткарышат.
«Жаңы премьер-министр ким болору президент менен Жогорку Кеңештин мажилисинин иши. Албетте, биз окуялардын ар кандай бурулушуна даяр болобуз. Биз ар дайым өлкөбүз үчүн иштөөгө даярбыз», — деп ишендирди Смаилов.
Жекшемби күнү жергиликтүү убакыт боюнча туура таңкы саат 7:00дө шайлоо участкалары эшигин ачты. Шайлоого “Ак жол”, “Аманат”, “Ауыл”, “Байтак” партиялары, Жалпы элдик социал-демократиялык партия, Казакстан элдик партиясы жана “Республика” партиясына катышууга уруксат берилди.