Бишкектин Токтогул менен Жусуп Абдрахманов көчөлөрүнүн кесилишинде 5-мартка караган түнү топ балдар ортосунда мушташ болду.
Биринчи май райондук милициянын басма сөз кызматы билдиргендей, милицияга 5-мартка караган түнү болжол менен саат 01:10до Токтогул менен Жусуп Абдрахманов көчөлөрүнүн кесилишинде мушташ болуп жатканы тууралуу маалымат түшкөн. Окуя жерине дароо ыкчам-тергөө тобу чыгып, алар барганда окуя жеринде эч ким болгон эмес.
Аталган факт каттоого алынып, териштирүү иштери башталган.
Учурда мушташка катышкандарды издеп-табуу иштери жүрүүдө.
