Бул тууралуу ИИМдин Басма сөз кызматы билдирет. Ички иштер министрлигинин БМЖКККнын кызматкерлери түшкөн ыкчам маалыматтын алкагында Ош шаарында үч дарыкананы аныкташты. Алардын кызматкерлери калк арасында таасири күчтүү дары-дармектерди рецептсиз сатышкан.
“Бардык үч факты тең Ош шаарынын ИИБдин маалыматтык электрондук журналына катталган.
Мындан тышкары, борбордук базардын аймагында жайгашкан дарыкана бул дары-дармектерди сатууга лицензиясы жок экендиги аныкталган. Дары-дармектер жеке пайда алуу максатында коңшу дарыканадан сатып алышкан.
Дарыкана кызматкерлери 1991-жылы туулган А.А. жана 1987-жылы туулган К. М. кармалган жана тергөө кызматына жеткирилген”, деп айтылат маалыматта.
Бардыгы болуп психотроптук заттарды камтыган 94 капсула, 82 флакон дары-дармек каражаттары алынган.
Эске салсак, буга чейин ИИМдин Баңгизаттарды мыйзамсыз жүгүртүүгө каршы күрөшүү боюнча кызматтын демилгеси менен фармацевтикалык компаниялардын жетекчилеринин катышуусунда калк арасында таасири күчтүү заттарды камтыган дары-дармектерди рецептсиз сатууга жол бербөө боюнча кеңешме өткөрүлгөн.
Дарыгердин көрсөтмөсү жок ар кандай дары-дармектерди колдонуу ден соолукка олуттуу зыян келтирет!
![WhatsApp Image 2023 02 22 at 08.23.08 ИИМ: Ош шаарында мыйзамсыз дары-дармектерди рецептсиз саткан дарыканалар аныкталды](https://bulak.kg/wp-content/uploads/2023/02/WhatsApp-Image-2023-02-22-at-08.23.08.jpeg)
![WhatsApp Image 2023 02 22 at 08.23.10 ИИМ: Ош шаарында мыйзамсыз дары-дармектерди рецептсиз саткан дарыканалар аныкталды](https://bulak.kg/wp-content/uploads/2023/02/WhatsApp-Image-2023-02-22-at-08.23.10.jpeg)