Кара-Көл шаарында жаңы жылдык балаты экинчи жолу күйүп кетти. Маалыматка ылайык, окуя бүгүн саат 5.00дө болгон.
Бийиктиги 12,5 метр болгон жаңы жылдык кооздук 22-декабрда күйүп, эртеси эртең менен дароо күйүп кеткен. Быйыл шаардын башкы балатысына 700 миң сом сарпталганы айтылган.
Ал эми мэр Таалайбек Конкобаев жергиликтүү маалымат каражаттарынын бирине «Биз муну өрттөө деп шектенип жатабыз. Анткени светодиоддук гирляндалар электр жарыгынан өчүрүлгөн», — деп билдирген.
Учурда шаарга жаңы балаты орнотууну маселеси каралып жатат.
