Министрлер кабинетинин төрагасынын орун басары Эдил Байсалов иш сапары менен Англияга учуп кетти. Бул тууралуу 7-декабрда Жогорку Кеңештин жыйынында депутат Винера Раимбачаева билдирди.
Анын айтымында, ал токтомдун долбоорун сунушташы керек болчу. Ал жок болгонуна байланыштуу ал суроону кийинки жумага жылдырууну суранды.
Спикер Нурлан Шакиев белгилегендей, кеп “Кыргыз Республикасынын бийик тоолуу, алыскы жана барууга кыйын аймактарында жашаган жарандарга социалдык төлөмдөрдү инвентаризациялоо жөнүндө” токтом долбоору.
Талкуунун жыйынтыгында депутаттар бул маселени күн тартибинен чыгарышты.