Бишкектин Валиханов көчөсүндө жайгашкан Promzone түнкү клубунда ок атылды.
Октябрь райондук ички иштер башкармалыгынын басма сөз кызматы 5-декабрда билдиргендей, милиция кызматкерлерине борбор калаанын тургуну кайрылган. Анын айтымында, 4-декабрга караган түнү саат төрт жарым чамасында ал клубга келген башка адамдар менен уруша кеткен. Натыйжада эки адам ага карата ок чыгарышкан.
Бул факты КР Кылмыш-жаза кодексинин 280-беренеси («Бейбаштык») менен ЭПКга катталды.
Милиция кызматкерлери тарабынан кылмышка шектүү катары 1985-жылы туулган З.М., жана 1988-жылы туулган М.В. кармалып, убактылуу кармоочу жайга жайгаштырылды.
Учурда тергөө иштери жүрүп жатат.