Айып салынат: Бөтөлкө жана зыяндуу заттарды жакпагыла!

Бишкек мэриясынын маалымат кызматы ордо калаада тыюу салынган заттарды жаккан мончо, сауна жана турак үйлөр текшерилип жатканын билдирди.

Муниципалитет текшерүү иштерин Мамлекеттик экотехинспекциянын инспекторлору менен бирге жүргүзүүдө. Тыюу салынган заттар: тигүү цехтеринен чыккан калдыктар, желим бөтөлкө, дөңгөлөк жана эски бут кийимдер.

“Текшерүү учурунда Заводской поселок көчөсүндө тигүү цехинен чыккан калдыктарды жаккан эки факт аныкталган. Үй ээлерине Бузуулар кодексинин 115-беренесине ылайык, 7 500 сом айып салынды”, — деп айтылат кабарда.

Мэрия тыюу салынган заттарды жагуу экологияга зыян алып келерин белгилеп, аларды жаккандар айыпка жыгыларын эскертти.