Чуңкурчак — Аламүдүн районундагы суу, Аламүдүн суусунун сол куймасы.
Кыргыз Ала-Тоосунун түндүк капталындагы Шопоков мөңгүсүнөн башталат. Узундугу 18 км, алабынын аянты 97 км2, деңиз деңгээлинен орточо бийиктиги 2360 м. Суу жогору жагында колот аркылуу агат; ортоңку бөлүгү жазыраак. Аламүдүнгө чыга берген жери кууш келет.
Алабындагы кооз «Көгүчкөнбулак» шаркыратмасы шаардыктардын сүйүктүү эс алуучу жайы.
Жылдык орточо чыгымы 0,77 м3/сек, эң көбү май – июнда, эң азы январь – февралда байкалат.
Алабы жайыт. Аламүдүнгө куя беришинде балдар эс алуучу жай жана дачалар жайгашкан.
Чуңкурчактагы 31-августтагы Эгемен күнү жана Байтик Баатырдын эки жүз жылдык мааракесине арналган мааракеге кырк миңден ашуун адам келди. Алар керемет жайлоодо эс алып, таза аба менен дем алып, таза сууну ичишти.
Мындан улам, “Bulak. kg” редакциясы Чуңкурчактын жаратылышын жана анын тургундарын чагылдырууну туура таптык.
Сүрөттөр Ашыркул Оморовго таандык
