Президент бир катар аткаминерлерге дисциплинардык жаза чараларын жарыялады. Бул тууралуу мамлекет башчынын басма сөз кызматы билдирди.
Маалыматка ылайык, Садыр Жапаровдун буйругу менен КР Эмгек кодексинин 146-беренесине ылайык, Транспорт жана коммуникациялар министри Эркинбек Осоевге жүктөлгөн милдеттерди талаптагыдай аткарбагандыгы, берилген тапшырмаларды аткарбагандыгы үчүн сөгүш жарыяланды.
Президенттин «Ысык-Көлдүн экологиясын коргоо боюнча кечиктирилгис чаралар жөнүндө» Жарлыгын ишке ашыруудагы кемчиликтер үчүн төмөндөгүдөй сын-пикирлер айтылды.
Президенттин Ысык-Көл облусундагы ыйгарым укуктуу өкүлү Алтынбек Сулайманов;
Ички иштер министрлигинин Ысык-Көл облусунун ички иштер башкармалыгынын башчысы Канат Жумагазиев;
Жаратылыш ресурстары, экология жана техникалык көзөмөл министрлигинин Ысык-Көл облустук башкармалыгынын башчысы Руслан Термеев.