Президент чек ара заставасынын башчысы Мирбек Султанбек уулуна батирдин ачкычын берди

Президент Садыр Жапаров бүгүн, 23-февралда, Ата Мекенди коргоочулардын күнүндө чек ара кызматынын 2022-аскер бөлүгүнүн «Көк-Таш» чек ара заставасынын башчысы Мирбек Султанбек уулу жана чек ара жаңжалында каза болгон прапорщик Бекзодбек Юлдашевдин жубайы Гүлхайо Кодирова менен жолугушту.

3512bb1a 0113 41f6 8dad bb244fdb77ad Президент чек ара заставасынын башчысы Мирбек Султанбек уулуна батирдин ачкычын берди

Мамлекет башчы чек арачы Мирбек Султанбек уулуна Бишкек шаарынан батирдин ачкычын тапшырды.

Прапорщик Бекзодбек Юлдашевдин жесирине материалдык жардам көрсөтүлдү.

Эске салсак, 2020-жылдын 8-майында Баткен облусундагы кыргыз-тажик чек арасында болгон окуяда Мирбек Султанбек уулу октон жаракат алган. Аскер кызматкери быйыл «Эрдик» медалы менен сыйланган.

8ee1f361 17fe 4dc8 bf6b 5ffea2880db4 Президент чек ара заставасынын башчысы Мирбек Султанбек уулуна батирдин ачкычын берди

Чек ара кызматынын прапорщиги Бекзодбек Юлдашев 2021-жылдын апрель айында кыргыз-тажик мамлекеттик чек арасынын Баткен облусундагы тилкесинде куралдуу кагылышта каза болгон.

Өткөн жылдын май айында ал курман болгондон кийин “Эрдик” медалы менен сыйланган. Анын үй-бүлөсү да буга чейин Бишкектен батир алышкан