Бишкектин Мурас-Ордо конушунан жоголгон 69 жаштагы аял кишинин денеси табылды.
Бул тууралуу Өзгөчө кырдаалдар министрлигинин маалымат кызматы кабарлады.
Маалыматка ылайык, А.А. үйүнөн акыркы жолу 2022-жылдын 23-январында чыгып кеткен. Анын буюмдары эртеси Чоң Чүй каналындагы көпүрөнүн алдынан табылган.
Издөө иштери улантылып, 26-январда Аламүдүн районундагы куткаруучулар сөөктү Чоң Чүй каналынан таап чыгып, туугандарына өткөрүп беришти.
