Кара-Ой айылынын тургундары 20-март күнү алардын конушу менен Сасык-Булак айылынын ортосунда өрт чыкканын билдиришкен. Күбөлөрдүн айтымында, өрт бат эле куураган чөпкө жайылып, Талас дарыясынын жанындагы алма бакты каптаган.
Жергиликтүү тургундардын айтымында, өрттү өчүрүүдө «Альянс Алтын» ишканасынын кызматкерлери жана алардын атайын техникалары чоң роль ойногон. Алардын ыкчам аракеттери менен өрттүн жайылышы токтотулуп, тез арада өчүрүүгө мүмкүн болду.
Тургундар “Альянс Алтын” ишканасынын техникасы жакынкы аймактардагы өрттү өчүрүүгө жардам берип, олуттуу зыяндын алдын алуу биринчи жолу эмес экенин белгилешет.
Алардын ою боюнча, мындай колдоо болбосо, анын кесепети алда канча оор болушу мүмкүн эле.
Окуялардын хронологиясы (күбөлөрдүн айтымында):
• 15:16 – тургундар өрттү байкап, тез жардам кызматына кабарлашкан,
• 15:55 – өрт өчүрүүчүлөр жана «Альянс Алтын» техникасы окуя болгон жерге барган,
• 16:25 – өрт толугу менен өчүрүлдү,
• 16:58 – өрт кесепеттерин жоюу иштери аяктады.
Өрттүн алдын ала себеби - отко этиятсыз мамиле кылуу. Кырсыктан жабыркагандар болгон жок, бирок жергиликтүү тургундар кургакчылык маалында өрт коопсуздук чараларын сактоо керектигин белгилешүүдө.
