Россиянын Илим жана жогорку билим берүү министрлигинин демилгеси менен Кыргыз-Россия Славян университетинин (КРСУ) жалпы билим берүү мектеби 2025-жылдан баштап бардык окуучулар үчүн акысыз билим алууга мүмкүнчүлүк берет.
Жогорку окуу жайдан билдиришкендей, окуучуларды акысыз окутуу мектеп окуучулары үчүн сапаттуу билимдин жеткиликтүүлүгүн кеңейтүүгө жана алардын үй-бүлөлөрүн колдоого багытталган.
КРСУ мектеби орто билим берүүнүн жогорку сапатын камсыз кылат. Бул аталган мектептин буга чейинки бүтүрүүчүлөрүнүн жетишкендиктери менен тастыкталган. 2024-жылы мектеп бүтүрүүчүлөрү жалпы республикалык тестирлөөнүн (ЖРТ) жыйынтыгы боюнча эң жогорку баллдарды алып, бул окуучуларга билим берүүнүн сапаты мыкты экендигинин далили болду.
Мурда мектепке окуу акысын төлөгөн ата-энелер үчүн кайра эсептешүү каралган. Төлөнгөн акчаны кайтаруу боюнча маалыматты мектеп администрациясынан тактап билүүгө боло тургандыгы маалыматта айтылган.
“Биз КРСУ мектеп окуучуларына жана алардын үй-бүлөлөрүнө карата маанилүү кадам жасап жатканы менен сыймыктанабыз. Биздин мектепте акысыз билим алуу – бул мүмкүнчүлүк гана эмес, өсүп келе жаткан жаш муундун келечегине чоң салым. Биз окуучуларыбыздын мыкты билим алуусу жана заманбап дүйнөнүн бардык тоскоолдуктарына даяр болушу үчүн ишибизди улантабыз”, – деп белгиледи КРСУнун ректорунун милдетин аткаруучу Сергей Волков.