Кыргыз Республикасынын Президенти Садыр Жапаров кол койгон Жарлыкка ылайык, Кыргыз Республикасынын Конституциясынын 70-беренесинин 1-бөлүгүнүн 2-пунктуна, 71-беренесине ылайык Сыдыков Бакыт Толомушевич мурда ээлеген кызмат ордунан бошотулуп, Кыргыз Республикасынын экономика жана коммерция министринин милдеттерин аткаруучу болуп дайындалды.
Кыргыз Республикасынын экономика жана коммерция министринин кызмат ордуна дайындоо үчүн Бакыт Сыдыковдун талапкерлиги Кыргыз Республикасынын Жогорку Кеңешине макулдашуу үчүн киргизилет.