Милдеттүү медициналык камсыздандыруу фонду «Мамлекеттик кепилдиктер» программасынын алкагында 18 жашка чейинки мектеп окуучуларынын көрүүсүн акысыз текшерүү мүмкүнчүлүгүн эскертет.
Милдеттүү медициналык камсыздандыруу фондунан билдиришкендей, текшерүү көйгөйлөрдү алгачкы этапта аныктоого, окуудагы көрсөткүчтөрдү жогорулатууга жана кыйынчылыктардын алдын алууга жардам берет.
Бул программа көрүү курчтугун ченөө жана офтальмологдун кеңешин камтыйт. Бул үчүн баланын инсандыгын тастыктаган документтер менен үй-бүлөлүк дарыгерге кайрылуу жетиштүү.
Суроолорду ММК фондунун 113 ишеним телефону же расмий сайты аркылуу берсе болот.