Нарын шаарында чарчап калган үч жашар наристенин өлүмүн комиссия иликтейт. Бул тууралуу Саламаттык сактоо министрлигинен билдиришти.
Маалыматта белгилегендей, министрликтин алдында түзүлгөн атайын комиссия медициналык жардам жана эмдөө иштерин текшере баштады. Ал эми иш саламаттыкты сактоо министри Алымкадыр Бейшеналиевдин көзөмөлүнө алынды.
“2021-жылы туулган С.У.га көрсөтүлгөн медициналык жардам жана эмдөө тууралуу иштерин текшерүүгө киришти. Комиссиянын иликтөөсүнүн жана соттук-медициналык экспертизанын жыйынтыгы кошумча көрсөтүлөт. Саламаттык сактоо министрлиги каза болгон баланын үй-бүлөсүнө жана жакындарына терең кайгыруу менен көңүл айтат”, – деп айтылат маалыматта.
Эске салсак, Нарын шаарында жашаган үч жашар баланын каза болгондугу боюнча ата-энелердин кайрылуусу социалдык тармактарга тараган эле.