Түркия биринчи жолу Кыргызстандын жаранына пенсия чектеди. Бул тууралуу Социалдык фонд билдирди.
Маалыматка караганда, 2020-жылдан тартып Кыргыз Республикасынын Өкмөтү менен Түркия Республикасынын Өкмөтүнүн ортосундагы социалдык камсыздоо жөнүндө келишим күчүнө кирген.
Азыркы күндө түрк тараптан иш стажы жөнүндө 237 суроо-талап жиберилген, 235 суроо-талап иштелип чыкты жана аларга тиешелүү жооптор берилген.
Келишимдин алкагында Түркия Республикасы Кыргыз Республикасынын 1 жаранына пенсия чектеди.