Бүгүн Ош, Жалал-Абад, Ысык-Көл жана Нарын облустарынын электр тармактар ишканалары жаңы атайын техникалуу болду. Бул тууралуу Энергетика министрлигинен билдиришти.
Техникалардын ачкычтарын энергетика министри Таалайбек Ибраев тапшырган.
Алсак, 2023-жылга капиталдык курулуш планына ылайык, “Кыргызстан УЭТ” ААК 4 автовышка АГП ISUZU сатып алган. Алардын ичинен телескопиялык унаалар төмөнкүдөй бөлүштүрүлөт:
- Автовошка 22 м 1 бирдик – Ош ЭТИ;
- Автовышка 18 м 3 бирдик – Жалал-Абад ЭТИ, Нарын ЭТИ, Ысык-Көл ЭТИ.
Энергетика министри Таалайбек Ибраев атайын техникаларды тапшырып жатып, энергетика тутумунда калкты электр энергиясы менен ишенимдүү жана сапаттуу камсыз кылуу үчүн тийиштүү шарттар түзүлүп жатканын баса белгиледи.
“Бул жылы биз өлкөнүн ар кайсы аймактарындагы жана аймактарындагы электр тармактар ишканаларына 52 атайын техниканы тапшырдык. 2023-жылдын аягына чейин дагы 48 даана атайын техниканы өткөрүп берүү пландалууда. Ошентип, биз компанияларды керектүү жабдуулар жана техникалар менен үзгүлтүксүз жана ыкчам камсыз кылууга аракет кылабыз. Ошондуктан, мурунку жылдарга салыштырмалуу быйыл биз бул атайын техниканы жеткирүү боюнча алдыдабыз деп айта алам. Жаңы техника 2023-2024-жылдардын күз-кыш мезгилине өз убагында даярдыкты камсыздайт”, – деп белгиледи министр Т.Ибраев.
Мындан тышкары, Таалайбек Ибраев атайын техника алган электр тармагынын жетекчилерин техника жана жабдууларга аяр мамиле кылууга чакырды.