Орусиянын Хабаровск шаарында полициянын огунан оор жараат алган кыргызстандык жаран тууралуу Кыргызстандын Тышкы иштер министрлиги маалымат берди.
Маалым болгондой, 24-августта автовокзалда рейд учурунда 2003-жылы туулган кыргыз жараны качууга аракет кылган жана укук коргоо органынын кызматкерин сүзүп алган.
«С.Р. аттуу кыргызстандык жарандын мыйзамсыз иш-аракетин токтотуу үчүн ага курал колдонулган. Натыйжада ал жаранга ок тийген. Учурда С.Р. оор абалда ооруканада жатат», — деп жазылат маалыматта.
Бул окуяга байланыштуу Орусиянын Тергөө комитети Кылмыш-жаза кодексинин 317-беренеси (укук коргоо органдарынын кызматкеринин өмүрүнө коркунуч жаратуу) менен кылмыш ишин козгогону белгилүү болду.
Кыргызстандын Хабаровск шаарындагы ардактуу консулу керектүү консулдук-укуктук жардам берүү үчүн анын туугандары менен байланышкан кошумчаланды.