“Кумтөр Голд Компани” ЖАКтын мурдагы тышкы башкаруучусу Теңгиз Бөлтүрүк үй камагына чыкты.
Соттун басма сөз кызматынан кабарлашкандай, бүгүн Бишкектин Октябрь райондук соту Т. Бөлтүрүккө карата соттук материалды караган. Прокуратуранын өтүнүчү канааттандырылып, ага карата баш коргоо чарасы үй камагына өзгөртүлгөн.
Эскерте кетсек, Бөлтүрүк “Кумтөр Голд Компанидеги” коррупциялык кылмыш фактылары боюнча козголгон кылмыш ишинин алкагында кармалган.
