Чүйдө 16 жаштагы кыз Хонда-СРВ унаасы менен кырсыкка кабылып, унаадагы 1 адам каза болду. Маалыматты Чүй облустук жол кыймылын көзөмөлдөө башкармалыгынан билдиришти.
Маалыматка караганда, кырсык 11-март күнү саат 16:30 чамасында катталган. 2006-жылы туулган кыз Бишкек — Ала-Арча жолунун 13,500-чакырымында бара жатып рулга ээ боло албай, унаа тоголонуп кеткен. Кызда айдоочулук күбөлүк болгон эмес.
Кырсыктын кесепетинен:
- айдоочу 2006-жылы туулган А.кызы А.
- жүргүнчү 2006-жылы туулган С.М.Э.
- жүргүнчү 2006-жылы туулган Э.А.Э.
- жүргүнчү 2006-жылы туулган М.А.Т. Бишкек шаарынын 4-ооруканасына жаткырылган.
- жүргүнчү 2006-жылы туулган З.А.З окуя болгон жерден каза болгон.
Алдын ала айтылган маалыматтар боюнча, кыз атасынын унаасын сурабай айдап кеткен. Каза болгон 16 жаштагы өспүрүм айдоочунун классташы болгон.
