«Женго» каймана аты бар Кадыр Досонов 2 айга камалды. Бул тууралуу Ички иштер министринин орун басары Нурбек Абдиев билдирди.
«Ички иштер министрлигинин атайын каттоосунда турган Кара-Суу районунун Кенжекул айылынын тургуну, 1971-жылы туулган Досонов Кадырбек Акбарович (кылмыш чөйрөсүндөгү лакап аты Женго) аттуу уюшкан кылмыштуу топтун башчысы кармалып, убактылуу кармоочу жайга камалган. Андан кийин сот аны эки айга камады», — деди Абдиев.
Ал кошумчалагандай, башка кармалгандардын баш коргоо чарасы бүгүн каралат.
Эске салсак, Ош шаардык милициясы 13-январга караган түнү Курманжан Датка көчөсүндө жарандарга кол салуу болуп, жеринде бирөө каза болсо, ал эми экинчиси Ош шаардык ооруканасына түшкөн.
