Ысык-Көлдөгү «Акун» пансионатына мыйзамсыз берилген жер мамлекетке өттү. Бул тууралуу Улуттук коопсуздук мамлекеттик комитетинен билдирди.
Маалыматка караганда, КР УКМК Ысык-Көл облусу боюнча башкармалыгы тарабынан козголгон кылмыш ишинин алкагында жүргүзүлүп жаткан ыкчам-издөө иш-чараларынын жүрүшүндө, 2008-жылы Ысык-Көл райондук соту тарабынан “Акун” пансионатынын жеке менчигине Ысык-Көл районунун Кара-Ой айылында жайгашкан 17,65 гектар жер тилкесин берүү боюнча мыйзамсыз чечим чыгарылган, анын натыйжасында ыйгарым укуктуу мамлекеттик каттоо органы тарабынан жеке менчик укугуна мамлекеттик акт мыйзамсыз берилген.
Жүргүзүлгөн тергөө-ыкчам иш-чараларынын жүрүшүндө мыйзамсыз чыгарылган соттун чечими боюнча даттануу козголуп, жыйынтыгында мыйзамсыз берилген жер тилке мамлекеттин балансына кайтарылды.
Жер тилкенин баасы 371 миллион сомго бааланган.
![gknb kr po pansionatu akun0 1080x630 1 «Акун» пансионатына мыйзамсыз берилген жер мамлекетке өттү](https://bulak.kg/wp-content/uploads/2022/12/gknb-kr-po-pansionatu-akun0-1080x630-1.jpeg)
![bea99c82 ce3f 4fba 86db 23cdd31785a0 «Акун» пансионатына мыйзамсыз берилген жер мамлекетке өттү](https://bulak.kg/wp-content/uploads/2022/12/bea99c82-ce3f-4fba-86db-23cdd31785a0.jpg)
Эске салсак, «Акун» пансионаты Жогорку Кеңештин мурдагы төрагасы Чыныбай Турсунбековдун үй-бүлөсүнө тиешелүү болгон. Ал 2020-жылы короновирус илдетинен улам каза болгон.