Акыйкатчы Атыр Абдрахматова 15-августта Ирандын Кыргызстандагы элчиси Саид Харази менен жолугушту. Бул тууралуу ведомствонун басма сөз кызматы билдирди.
Жолугушуунун жүрүшүндө Атыр Абдрахматова Кыргызстандын аймагында адам укуктарын коргоо жаатында институт тарабынан аткарылып жаткан иштер, КР жарандарынын укуктарын жана кызыкчылыктарын өлкөдөн тышкары жерлерде коргоо боюнча чаралар тууралуу маалымат берди.
Элчи Саид Харраз өз кезегинде Иран Ислам Республикасынын Тышкы иштер министрлигинин алдындагы Адам укуктары боюнча департаменттин ортосундагы кызматташтыктын мүмкүн болгон механизмдерин сунуш кылган.
