Кара-Суу шаарында баңгизатын мыйзамсыз сатуу учурунда Ш.А.А. аттуу жаран кармалды. Бул тууралуу УКМКнын басма сөз кызматы билдирди.
Маалыматка ылайык, ал мурда соттолуп, Өзбекстада баңгизаттарын жүгүртүүгө катышкандыгы үчүн жазасын өтөп келген.
Алынган баңгизатынын салмагы 1 кг 718 граммды түзүп, жүргүзүлгөн экспертизанын жыйынтыгында кара куурай (гашиш) экени аныкталган.
«Ошол эле күнү 1984-жылы туулган Т.Ш. аттуу жаран кармалган. Ал аталган баңгизат саткан топтун мүчөсү болгон. Анын үйүн тинтүү учурунда жалпы салмагы 75 граммды түзгөн героин табылган»,-деп айтылат маалыматта.
