«Айчүрөк» соода борборунда кыздар менен жигиттин ортосунда чыр чыкты. Бул тууралуу видео социалдык тармактарга жарыяланды.
Окуя 17-апрелде болгон. Алар тамактануучу жайда орун талашып кетишкен. Кыздардын биринин айтымында, курбулары менен тамактануучу жайга барган. Арасында кош бойлуу келин да бар болчу.
«Жакын турган столго отуруп, буюртма бердик. Ифтар маалы жакындап калган. Бизге жигиттердин тобу келип, биз отурган столду ээлеп коюшканын айтышты. Маселени тынч жол менен чечүүнү каалаганбыз. Жигиттерге тамактануучу жайдын кызматкерлери стол ээленгенин айтышпаганын билдирдик»,-деп жазган ал.