Бул тууралуу облустук милициянын басма сөз кызматы билдирди.
![whatsapp image 2022 03 25 at 10 06 56 Ысык-Көлдө 49 жаштагы жарандын үйүнөн баңгизат жана октору менен куралдар табылды](https://bulak.kg/wp-content/uploads/2022/03/whatsapp_image_2022-03-25_at_10_06_56.jpeg)
Маалыматка ылайык, милицияга ыкчам маалымат түшүп, анда Ак-Суу районунун тургуну жеке кызыкчылыгы үчүн үйүндө ок-дарыларды жана куралдарды сактап жүргөндүгү айтылган.
Бул маалымат Ысык-Көл облустук милициясына каттоого алынып, КР Кылмыш-жаза кодексинин 267-беренесинин (“Куралды жана ок-дарыларды мыйзамсыз жүгүртүү”) негизинде кылмыш иши козголгон.
Жүргүзүлгөн тергөө-ыкчам иштеринин натыйжасында кылмышка шектүү жарандын өздүгү аныкталган. Ал Ак-Суу районуна караштуу Бөрүбаш айылынын 1973 жылы туулган А.Р. экендиги белгилүү болгон.
Каракол шаардык сотунун токтомунун негизинде жогоруда аталган жарандын үйүндө тинтүү иштери жүргүзүлүп, жыйынтыгында 1 даана 12 калибрдеги, 1 даана 16 калибрдеги, 1 даана 16 калибрдеги ок атуучу куралдар жана автоматтын 5,45 мм калибрдеги 5 даана жана 7, 62 мм калибрдеги 5 даана октору, 14 даана 16 калибрдеги, 24 даана 12 калибрдеги патрондор жана 2 даана оптикалык приборлору табылып алынды.
![whatsapp image 2022 03 25 at 10 06 56 1 Ысык-Көлдө 49 жаштагы жарандын үйүнөн баңгизат жана октору менен куралдар табылды](https://bulak.kg/wp-content/uploads/2022/03/whatsapp_image_2022-03-25_at_10_06_56_1.jpeg)
Андан сырткары, тинтүү учурунда 3 литрлик айнек идиште жапайы кара куурай баңгизаты өсүмдүгүнө окшош өзгөчө жыты бар, кочкул күрөң суюктук табылган. Ошондой эле чөпкананын чатырынан эки каптын ичине салынган баңги затына окшош жапайы өскөн өзгөчө кендир жыты бар кургатылган өсүмдүк табылып алынган.
Экспертизанын жыйынтыгы менен алынган өсүмдүк кургатылган марихуана баӊгизатына кирери жана жалпы салмагы 8 килограмм 875 грамм экендиги аныкталган.
Ал эми алынган курал ички иштер органында катталбагандыгы белгилүү болуп, соттук-баллистикалык экспертизасы дайындалды.
![whatsapp image 2022 03 25 at 10 06 57 4 Ысык-Көлдө 49 жаштагы жарандын үйүнөн баңгизат жана октору менен куралдар табылды](https://bulak.kg/wp-content/uploads/2022/03/whatsapp_image_2022-03-25_at_10_06_57_4.jpeg)
Учурда тергөө амалдары уланууда.