Аксы райондук ички иштер бөлүмү тарабынан эл арасында ыксыз чыгымдарды азайтуу боюнча түшүндүрүү иштери жүргүзүлүүдө. Милиция кызматкерлери Кыргыз Республикасынын Президенти Садыр Жапаровдун Жарлыгынын негизинде жергиликтүү тургундар менен жолугушууларды өткөрүшүүдө. Анда курулай намыстанып, бири-бирине атаандашуу менен материалдык чыгымдарга кептелбей, туура эмес ырым-жырымдардан арылуу керектиги эскертилди.
Жарандарга бул багытта милиция жана жергиликтүү бийлик өкүлдөрү менен тыгыз кызматташуу зарылдыгы айтылып, Президенттин жарлыгынын аткарылышына кайдыгер карабоого чакырышты.
Эл арасында жүргүзүлгөн профилактикалык жумуштардын натыйжасында ыксыз чыгымдарды азайтуу сунушун колдогондор арбын болууда.
Жалал-Абад ОИИБдин Басма сөз кызматы
