Бишкекте жөө өтмөктөн өтүп бараткан 11 жаштагы кызды маршрутканын айдоочусу сүзүп кеткен. Бул тууралуу Милициянын кайгуул кызматынан билдиришти.
Маалыматка ылайык, 2022-жылдын 17-февралында болжол менен саат 17:00 чамасында 138-маршурттук унаанын 1993-жылы туулган Р.М. аттуу айдоочусу Ден Сяопин көчөсү менен күн чыгышты көздөй бара жатып, Каракумский көчөсүнүн кесилишинен жөө өтмөктөн өтүп бара жаткан 2011-жылы туулган К.А. аттуу кызды сүзүп алган.
Натыйжада жөө жүргүнчүнү №3 шаардык ооруканага жеткирилген.
Азыркы учурда авто унаа убактылуу токтотуучу айып короо жайына токтотулуп, айдоочу тергөө кызматына жеткирилген. Жол кырсыгынын келип чыгуу себептери такталууда.
Милициянын кайгуул кызматынын басма сөз кызматы.
