Кореянын токой чарба башкармалыгы бүгүн саат 9:00гө карата өлкөнүн түштүк-чыгышындагы токой өрттөн каза болгондордун саны 26га жеткенин билдирди. Бул тууралуу “Синьхуа” маалымат агенттиги жазды.
Агентиктин маалыматына ылайык, өрттүн кесепетинен 30 киши жабыркап, анын ичинде оор жаракат алган 8 адам ооруканага жаткырылган.
Өрт башталгандан бери 37 миң адам убактылуу жайларга көчүрүлүп, алардын 6 миңден ашыгы үйлөрүнө кайтып келе элек.
Тилсиз жоо мамлекетке олуттуу материалдык зыян келтирүүдө.
Алдын ала маалыматтар боюнча, өрттүн кесепетинен 325 имарат, анын ичинде турак-жай, өндүрүш, диний жана маданий объектилер күйүп кеткен. Өрттүн жалпы аянты 36 миң гектарды түзгөн.
