Бүгүн Париждеги жайкы Олимпиада оюндарында спорттук күрөш боюнча мелдештер башталат.
Турнирдин биринчи күнүндө 60 кг, 68 кг жана 130 кг салмак категориясына чейинки грек-рим, эркин күрөш боюнча финалисттер аныкталат.
Кыргызстандын атынан Жоламан Шаршенбеков менен Мээрим Жуманазарова 1/8 финалда беттештерин баштап, килемге чыгышат.
Балбан Жоламан Шаршенбеков казакстандык спортчу Айдос Султангали менен кез келет. Ал эми Мээрим Жуманазарова монголиялык Делгермаа Энхсайхан менен күч сынашат.
Мелдештер Бишкек убактысы боюнча 19:00дө, жарым финал болсо, 01:00дө өтөт. Жубатуучу беттештер жана медаль үчүн беттештер эртең, 6-августта болот.