Кыргыз-тажик мамлекеттик чек арасын делимитациялоо жана демаркациялоо боюнча топографиялык жумушчу топтордун кезектеги жолугушуусу болду. Бул тууралуу КР министрлер кабинетинин басма сөз кызматынан билдиришти.
Тараптардын жолугушуусу жетишилген макулдашууга ылайык, үстүбүздөгү жылдын 8-декабрынан 14-декабрына чейин Баткен облусуна караштуу Баткен шаарында өткөн.
“Бул жолугушууда топографиялык жумушчу топтор кыргыз-тажик мамлекеттик чек арасынын 47,05 чакырымы боюнча макулдашышты”, – деп айтылат маалыматта.
Калган участокторду сыпаттоо боюнча тараптардын кийинки жолугушуусу Тажикстандын аймагында өтөт.
Жолугушуунун жыйынтыгында тиешелүү протоколго кол коюлду.
Жолугушуу өз ара түшүнүшүү жана достук маанайда өттү.