Өзгөчө кырдаалдар министрлигинин куткаруучулары Ала-Арча капчыгайында дайынсыз болуп жаткан чет элдик жаранды издеп жатышат.
ӨКМден билдиришкендей, 32 жаштагы К.С., аттуу турист 14-июлдан бери дайынсыз болууда. Туугандары ал Ала-Арча капчыгайындагы Семенов — Тянь-Шань чокусуна чыгып, байланыш жок болуп жаткандыгын айтышкан.
«19-июлда ӨКМдин «Эделвейс» тоодо куткаруу кошуунунан алты куткаруучу жөнөтүлгөн. Алар кечки саат 21:20да Ала-Арча капчыгайында түнөп, бүгүн издөө иштерин улантышууда», — деп айтылат маалыматта
