2023-жылдын 5-июлунда болжол менен саат 09:54 чамасында Күзөт кызматынын Ведомстволук милиция полкунун кызматкери милициянын улук сержанты Бек Төрөкановго “Зеленхоз” муниципалдык ишканасынан Алмаз Акбаралиев аттуу кызматкери келип, улуттук филармониянын түштүк аймагындагы газондун чөптөрүн кыркып жатып тапанчага окшош ок атуучу куралын таап алгандыгын айткан.
Окуя болгон жерге ведомстволук милиция полкунун кармоо тобу барып, табылган кара түстөгү темир тапанчасын алышып, Бишкек шаарынын Ленин РИИБнын ыкчам тергөө тобунун кызматкерлерине өткөрүп беришкен.
ИИМдин Басма сөз кызматы