Бул тууралуу облустук милициядан билдиришти.
Маалыматка ылайык, Талас ОИИБдин жана Талас ШИИБдин кызматкерлери менен биргеликте балдар арасында иш алып барууда. КРнын ИИМдин жана башкармалыктын буйруктарын аткаруу боюнча, жалпы билим берүү уюмдарынын бүтүрүүчүлөрүнө мамлекеттик үлгүдөгү билими жөнүндө документтерди тапшырууга арналган салтанаттуу иш-чараларын өткөрүү учурунда коомдук тартипти жана жол кыймылынын коопсуздугун камсыздоо багытында күчөтүлгөн аракеттер көрүлүүдө.
“Облустун аймагында жайгашкан орто мектептерде 9-11-класстын бүтүрүүчүлөрүнө мамлекеттик үлгүдөгү аттестаттар тапшыруу учурунда коомдук коопсуздукту камсыздашты. Ошондой эле жол кыймылынын коопсуздугун камсыздоо кызматы, жол кырсыктарды жана авто жарыштарды болтурбоо боюнча постторду көбөйтүп, мас абалда унаа айдаган айдоочуларды аныктоо иштерин жүргүзүп жатышат”, – деп айтылат маалыматта.
Талас шаарында жайгашкан 10дон ашуун кафе ресторандар текшерилип, борбордук сейил бактар жана спорт аянтчалары көзөмөлгө алынды. Ар кандай кылмыштарды жана кырсыктарды болтурбоо максатында областын аймактарында коомдук тартипке өзгөчө көңүл бурулууда.
