Транспорттук катализаторлорду сатып алуу жерлерин текшерүү жөнүндө Министрлер Кабинетинин токтому иштебейт. Бул тууралуу депутат Марлен Маматалиев бүгүн, 21-декабрда Жогорку Кеңештин жыйынында билдирди.
Анын айтымында, катализаторлордун баасы өсүп жатат, аларды өлкөдөн экспорттоо уланууда.
«Бул бизнести ширетүүчү (сварщик) менен бирге бир жигит баштаган. Ал азыр өлкөдөгү эң бай адамдардын бири. Катализаторлор самолет менен экспортко чыга баштаган фактылар бар. Баалар 40-50 миң сомго чейин жеткен. Карапайым элдин күнөөсү жок, алар каржылык кыйынчылыктан улам аргасыздан сатып жиберишет”, – дейт Марлен Маматалиев.
Депутат анын катализатору жок унаанын ээсине айып салуу боюнча мыйзам долбоору унааларды бажыдан өткөрүүдө гана иштей турганын, жөнөкөй жарандарга тиешеси жоктугун белгиледи.
